العواف عليكو الموضوع النهاردة سهل و ف السريع كدا
عشان خاطر عيون حد عزيز عليا
الصور تتحط إزاى ف البوست ؟!!
بسيطة خالص .. متقلقوش
بعد ما تفتحوا رسالة جديدة و يظهر مستطيل الكتابة
اللى ف الصورة فوق دا
هتلاقوا وسط ادوات الكتابة مربع عليه صورة لونه لبنى كدا فى بنى
أيوه .... اللى السهم بيشاور عليه دا
تدوسوا عليه
هينفتح المستطيل و فيه هتلاقوا على اليمين فوق خانة مكتوب عليها
إضافة صورة من جهاز الكمبيوتر الخاص بك
دوس Browse.. هينفتحلك مربع ال file upload فى الكمبيوتر بتاعك
و سيادتك ما عليك سوى إنك تختار الصورة اللى تعجبك
من الكمبيوتر بتاعك من أى ملف او من على الديسك توب
إخترت خلاص
طييييييييب
دوس كلييك مرتين
تلاقى نفسك رجعت لمستطيل تحميل الصورة
فاضل تختار بقى
عاوز الصورة فييييين ؟؟
يمين و لا شمال و لا ف النص و دا غالبا اللى بيختاره الجميع
و تختار حجم الصورة كمان صغير و لا متوسط و لا كبير
برضو حسب إختيارك
و فى آخر المستطيل هتلاقى بالأزرق مكتوب إلغاء .. لو غيرت رأيك
و بالبرتقانى مكتوب تحميل الصورة و هنا تدوس عليه لو موافق
ثوانى قليلة هتمر ... إستنى طول بالك شوية
و إنت تلاقى رسالة بتقولك
تمت إضافة الصورة
و مطلوب منك تقول أيوه و تدوس على
( تم )
هتلاقى صورتك ظهرت خلاص على البوست اللى إنت كاتبه
و تحتها تبتدى كتابة زى ما انت عاوز
على فكرة ممكن كمان تضيف اكتر من صورة
و هتلاقى الخانة موجودة فى اول المستطيل فوق على اليمين
مكتوب عليها َإضافة صورة أخرى و تكرر الحكاية لحد ما تستكفى
اتمنى أكون شرحت كويس
و أقعدوا بالعافية
